09/04/2021 13:52:00

O pasado 31 de marzo fallouse o I Concurso en prol da igualdade e contra a violencia de xénero no que participaron o alumnado do CPI Virxe da Cela de Monfero.

Había 3 categorías según idades.

Na 1ª categoría a gañadora foi Elisa Fernández Vázquez coa obra "Alas para volar" e o premio será a impresión do seu debuxo sobre unhas mochilas que se entregarán a todo o alumnado do ciclo de Educación Infantil.

Na 3ª categoría o gañador foi Hugo Lucía Romero coa obra "Igualdade". O premio consistirá na impresión do seu debuxo sobre unhas libretas que se repartirán entre o alumnado da ESO.

A 2ª categoría quedou deserta xa que non se presentou ningún traballo.

NORABOA ÁS PERSOAS GAÑADORAS!

07/04/2021 11:31:00

No BOP de 07/04/2021 convócase a incorporación na listaxe para bolsa de contratacións de TRACTORISTAS (desbroce de vías e instalacións municipais), cunha vixencia que remata o 1-6-2024.

Desta listaxe seleccionaranse as persoas para a contratación municipal anual: para o 2021 contrataranse 4 tractoristas por período de 6 meses a xornada de 30 horas semanais.

FUNCIÓNS: manexo de tractor e maquinaria de desbroce.

PRAZO DE PRESENTACIÓN DE INSTANCIAS: 10 días naturais (dende o 7 ao 16 de abril de 2021), presencial en horario de 9 a 2, ou na Sede Electrónica do concello as 24 horas ().

DATA DAS PROBAS: 22 de abril de 2021.

DEREITOS DE EXAME: 16 €, que se ingresaran na conta municipal ES02 2080 0092 1631 1000 0018

BASES: aprobadas por acordo da Xunta de Goberno do 26-3-2021, estando a disposición do público nas dependencias municipais e na web oficial do concello (teléf. 981793001).

Bases da convocatoria

Instancia

31/03/2021 10:44:00

Nesta última entrega presentámosvos o documento "referentes" no que mostramos unha pincelada de mulleres que racharon barreiras, desafiaron ás normas establecidas e fixeron historia ainda que a historia, en moitos dos casos, as teña esquecidas e invisibilizadas. Son mulleres de todos os tempos, poderosas e con grandes talentos que, nas súas disciplinas e coñecementos aportaron grandes cousas e contribuiron a melloras para mulleres e homes.

Referentes

18/03/2021 13:47:00

Nesta nova entrega achegámosvos varios documentos:

- Un listado de entidades grupos e persoas que teñen nas redes sociais unha voz sobre a igualdade.

- Un percorrido polo mundo do celuloide con suxestións das películas máis significativas que falan de mulleres que sufriron a desigualdade e qué fixeron para traspasala. De seguro hai máis e estaríamos encantadas de recibir as vosas propostas de pelis que falen de mulleres que loitaron pola sua visibilidade.

- O decálogo da igualdade e,

- Unha análise breve e significativa da situación en cifras da desigualdade na que vivimos.

Esperamos que estos novos documentos vos axuden e vos inspiren

Igualdade nas redes

Igualdade no cine

(Des)igualdade en cifras

Decálogo

15/03/2021 14:03:00

Deixámosvos unha síntese para que reflexionedes sobre a igualdade real e a igualdade formal. Son o mesmo? Que diferencias hai? Que opinades vós?

Sobre a igualdade

08/03/2021 12:33:00

O Concello de Irixoa adhírese á campaña do 8 de marzo da FEGAMP. Achégase pdf co manifesto.

Manifesto

05/03/2021 14:10:00

Desde o concello de Irixoa, un ano máis queremos conmemorar esta data significativa do 8 de marzo, Día Internacional da Muller, en prol da igualdade e polo recoñecemento do traballo cotiá que realizan as mulleres do mundo e máis concretamente, as que viven no noso eido rural do que formamos parte.

Convocamos o I concurso sobre a igualdade de xénero entre o alumnado do CPI “Virxe da Cela”, e do que mostraremos os traballos realizados polos/as alumnos/as.

Debido á continuidade da situación sanitaria polo covid-19 que seguimos a vivir, o concello e o departamento de Servizos Sociais de Irixoa, decidimos facer a campaña divulgativa e informativa desta conmemoración a través da nosa páxina web. E ao longo de todo o mes de marzo.

Así mesmo editaremos unas bolsas que reflictan o noso sentir:

“Traballemos pola igualdade: 100% igualdade=0% violencia de xénero

Tamén queremos manifestar que nos adherimos ás campañas realizadas pola FEGAMP e pola Deputación da Coruña, que volcaremos na nosa web.

Un saudo a toda a veciñanza.

O Alcalde

Antonio Deibe Sanmartin

Un pouco de historia

05/03/2021 13:54:00

Irixoa segue en NIVEL DE RESTRICIÓN ALTA dende hoxe. ?Para consultar as restricións deste nivel prema na seguinte ligazón: ?? https://coronavirus.sergas.gal/Cont.../Nivel-Restricion-Alta ?Para ver as restricións por concello a lizazón é a seguinte: ?? https://coronavirus.sergas.es/Cont.../Restriccions-concellos ?? Ámbito territorial conxuntamente delimitado formado polos seguintes concellos da área sanitaria da Coruña: Aranga, Arteixo, Cambre, Carballo, Carral, A Coruña, Culleredo, A Laracha, Malpica de Bergantiños, Miño, Muxía, Paderne, Sada, Vilasantar, Abegondo, Bergondo, Betanzos, Cabana de Bergantiños, Camariñas, Cee, Cerceda, Coirós, Coristanco, Dumbría, Fisterra, Irixoa, Laxe, Oleiros, Oza-Cesuras, Sobrado, Vilarmaior, Vimianzo, Zas.

05/03/2021 13:13:00

CAMPAÑA DA DEPUTACIÓN DA CORUÑA PARA CONMEMORACIÓN 8 DE MARZO OitoM, Día das Mulleres. Moito por cambiar, por mover, por concienciar, por educar, por entender, por compartir, por crear, por gozar, por vivir_ Este 8M, Día das Mulleres, a Área de Igualdade da Deputación da Coruña promove unha serie de espazos en liña que nos convidan a atoparnos. Atoparnos para deternos e falar das dificultades que temos experimentado nestes tempos tan complexos e incertos marcados pola presenza da COVID-19; atoparnos para imaxinar colectivamente as respostas aos retos que atoparemos nos próximos meses e anos. A pandemia, tanto o propio virus como as diferentes medidas tomadas polas administracións para a súa contención, está a afectar as nosas vidas de tal xeito que aínda non temos información suficiente para imaxinar as súas consecuencias a medio e longo prazo. Mais, no medio do baile de cifras e o ruído dos medios de comunicación, temos moita necesidade de integrar e compartir experiencias, analizando e poñendo consciencia sobre como esta realidade impacta de maneira diferencial nas vidas das mulleres. Así, ao longo dun foro e tres conversas facilitadas en liña, reflexionaremos sobre os retos relacionados coa posición das mulleres na mercado laboral, co seu rol de principais responsables dos coidados e da sustentabilidade das vidas e sobre as interseccións da COVID-19 coas violencias machistas e os seus efectos específicos nos corpos e na saúde das mulleres. Tras a súa celebración en liña, estas conversas pasarán a formar parte dos recursos dispoñibles en aberto para a cidadanía dende a canle de Youtube da Deputación da Coruña. Dirixida a profesionais do ámbito da igualdade nun sentido amplo (administración pública a todos os niveis; saúde; coidados; educación; terceiro sector; etc.) esta programación ten ademais por obxectivo fomentar o traballo en rede no ámbito local e provincial, esbozando colaborativamente as liñas estratéxicas do futuro dunhas políticas post-COVID que deberán integrar necesariamente a perspectiva de xénero. A participación nos diferentes espazos é aberta e gratuíta, mais precisa de inscrición previa a través do seguinte formulario i.gal/oitoM Todo este proceso, xunto coas súas principais conclusións, será documentado xerando unha pequena publicación dixital que funcionará como inspiración, devolución e documento base para o traballo posterior. Por último, e no contexto deste mes de marzo tamén queremos apoiar á mocidade no seu papel como axente de cambio, facilitándolle a mozas e mozos ferramentas e referentes para xerar discursos alternativos dende os que fomentar a igualdade e actuar ante o machismo e a LGBTIfobia. Farémolo a través do deseño e difusión dun material didáctico que incorporará entrevistas en vídeo a mulleres referentes no cruce das TICs cos feminismos, animando á mocidade a xerar contido orixinal co que amplificar a conversa nas súas redes. Enlace: https://www.dacoruna.gal/.../pro.../conmemoracion-8-marzo...

24/02/2021 14:46:00

DÍA DE ROSALÍA Hoxe 24 de febreiro celebramos o día de Rosalía, commemorase o nacemento da autora. Numerosas institucións únense a esta commemoración. Nos seguines enlaces podes ver algunhas actividades, na fundación Rosalía fundación https://rosalia.gal/ realizan actividades en liña: Caldo de Gloria, Alborada para Rosalía., na cale de youtube https://youtu.be/HmB3xyS1O1Y podes ver un vídeo. Le a Rosalía, lémbraa e cóntao nas redes sociais co hashtag #DíadeRosalía.