Novas

ÚNETE A NÓS CONTRA A VIOLENCIA DE XÉNERO: 1ª semana de entrega

A información que vos mostramos no pdf adxunto é unha proposta.

Gustaríanos saber a túa opinión e que nos devolvas o teu "feedbak".

Se coñeces máis libros, películas, poemas, ou calquera outro material que queiras compartir estaríamos encantadas de recibir a túa proposta.

O podes facer a través do seguinte correo electrónico: servizos.sociais@irixoa.es.

Documento 1ª semana

 
PRESENTACIÓN DA CAMPAÑA "ÚNETE A NÓS CONTRA A VIOLENCIA"

Dende o Concello de Irixoa anunciamos a posta en marcha da campaña contra a violencia de xenero “ÚNETE A NÓS CONTRA A VIOLENCIA”.

A violencia de xénero segue a ser unha constante na vida social , familiar e persoal contra a que estamos obrigadas/os a loitar na procura de solucións e farramentas que a fagan desaparecer. Cada acto, cada actividade, cada actitude que favoreza a súa erradicación fará que como persoas e como sociadade construamos un mundo mellor, máis igualitario, máis equilibrado e onde poidamos relacionarnos dende o que somos como persoas e non por unha definición marcada polo noso sexo ou o noso xénero.

Ante a situación sanitaria coa pandemia mundial que estamos a vivir este ano 2020 que nos impide realizar actos e actividades presenciais, presentamos dende SS.SS. do concello de Irixoa unha campaña que teña presenza nos medios telemáticos que temos ao noso alcance, e a través da súa páxina web deixar constancia que Irixoa rexeita a violencia de xénero.

A campaña durará todo o mes de novembro.

Iranse subindo cada semana á páxina web do concello contidos e referencias:

- audivisuais

- musicais

- poéticas

- literarias

Para que poidades ver, ler, visitar, escoitar cousas que se están a facer para contribuir a eliminar esta violencia contra as mulleres.

O día 25 de novembro faremos unha lectura, no exterior do concello, dun manifestó en contra da violencia de xenero. Acto ao que estades invitadas/os, respectando sempre as medidas de seguridade establecidas, que garantan a nosa saúde.

Por motivos legais, non podemos poñer directamente na páxina web os enlaces que levarían dun xeito directo á información que vos mostramos, polo que presentaremos os datos que vos axuden a atopalos nas redes sociais e na internet.

Grazas de antemán polo voso interés e participación.

Desexamos que esta iniciativa cumpra os seus obxectivos.

Cartel Deputación

Cartel Stop Violencia

 
MATERIAL DE PROTECCIÓN PARA O ESTUDANTADO EMPADROADO EN IRIXOA

A partir do día 14 de outubro en horario de 9:00 a 14:00 horas os/as estudantes empadroados/as no Concello de Irixoa porderán recoller nas oficinas municipais un pack de material de protección contra o COVID-19 consistente en 5 máscaras reutilizables de tela (20 lavados), un portamascaras e un xel. Máis información no tel. 981 793 001

Cartel

 
XORNADA SOBRE TÉCNICAS DE PREVENCIÓN DE ATAQUES DE LOBO

Dentro do Plan de Formación ao Agro Galego 2020 aprobado pola Consellería do Medio Rural está prevista a realización do curso de CONVIVENCIA E PREVENCIÓN DE ATAQUES DE LOBO Á GANDERÍA.

Máis información do enlace seguinte:

CFEA GUISAMO

 
VALORACION ASPIRANTES PARA BOLSA DE TRABALLO DE AUXILIARES DO S.A.F

O tribunal calificador para a selección de novas/os candidatas/os para a incorporación á bolsa de traballo de auxiliares do servizo de axuda no fogar, reunido o 26 de agosto de 2020, realizou a valoración provisional de méritos que máis abaixo se anexa.

O prazo para efectuar alegacións é de 2 días hábiles (27 e 28 de agosto de 2020).

Acta de valoración

 
CONVOCATORIA COMPLEMENTARIA LISTAXE DE BOLSA DE CONTRATACIÓN LABORAL TEMPORAL DE AUXILIARES S.A.F.

No BOP do 10 de agosto de 2020, convócase a incorporación na listaxe para bolsa de contratacións de auxiliares do servizo da axuda no fogar (SAF), cun máximo de 12 meses por contratación e segundo as necesidades do concello, cunha vixencia que remata o 3-12-2022. O proceso selectivo será por concurso de méritos (experiencia profesional, residencia-coñecemento municipio, desemprego), sen prexuízo da posibilidade dunha entrevista. O prazo de presentación de instancias será de 10 días hábiles, ata o día 24 de agosto. As instancias poderanse presentar presencialmente en horario de 9 a 14:00 horas, ou na sede electrónica do concello.

Bases convocatoria bolsa SAF

Instancia solicitude

 
SESIÓN INFORMATIVA BOAS PRÁCTICAS NA PREVENCIÓN DO COVID-19

Charla impartida polo persoal do SERGAS Flavia Polanco e Salvador García coa colaboración do Concello de Irixoa.

Celebración o 13 de xullo de 17.00 a 18.30 horas no Polideportivo Municipal .

Aforo limitado.

Inscrición previa imprescindible nos Servizos Sociais do Concello de Irixoa ou no teléfono 981 793 001.

Todos/as os/as asistentes deberán acudir provistos de mascarilla e respetando as rigurosas medidas de distanciamento.

Dende o Centro de Saúde de Irixoa, elaboraron un video sobre as boas prácticas de hixiene preventiva.

VER VÍDEO

VER CARTEL

 
CAMPAMENTO URBANO

Campamento urbano do día 20 de xullo ao 4 de setembro

Campamento urbano destinado a nenos e nenas de 3 a 14 anos, desde o día 20 de xullo ao 4 de sembro. Preinscición ata o día 14 de xullo. Máis información e preinscrición tel. 981 793 001.

Cartel

 
SELECCION DE PERSOAL DO PROCESO SELECTIVO APROL RURAL 2020

Publícase a acta de valoración de méritos das persoas candidatas ao posto de PEON FORESTAL.

Acta de valoración

 
LUMINARIAS DE SAN XOAN E SAN PEDRO

Está aberto o prazo para comunicar a celebración de fogueiras para a noite do 23 de xuño (San Xoan) ou para a noite do 28 de xuño (San Pedro).

As persoas interesadas deberán de cumplimentar e asinar unha declaración responsable no modelo facilitado polo concello, xunto cunha copia do DNI e un plano catastral no que se marcará a situación exacta da fogueira.

A presentación da declaración responsable farase no Rexistro xeral do Concello en horario de 9:00 a 14:00 horas de luns a venres.

Tamén se poderá presentar a través da sede electrónica utilizando o Trámite de Solicitude Xeral e anexando o modelo de declaración responsable cumplimentado.

A sede electrónica está en funcionamento as 24 horas do día.

A data límite de presentación é

22 de xuño ás 13:00 para a luminaria de San Xoán

26 de xuño ás 13:00 para a luminaria de San Pedro

Descargar declaración responsable

 
Página  1   2   3   4   5   6   7   8   9   10   11   12   13   14   15   16   17   18   19   20   
Sede electrónica

 

As nosas sedes

 

Perfil Facebook