14/03/2020 10:16:00

Para afrontar o agravamento dos contaxios por Covid-19, dende o Concello de Irixoa adóptanse as seguintes medidas: - Suspender dende hoxe todas as actividades municipais, así como as que se celebren nas súas instalacións. - Pechar ao público a biblioteca municipal e o pavillón polideportivo. - Limitar a asistencia ás oficinas municipais só para tramitacións urxentes, cunha acumulación máxima de 5 persoas externas ao concello dentro do edificio. - De ser posible, recoméndase realizar as tramitacións por medios telemáticos, en especial usando a sede electrónica https://sede.irixoa.es É absolutamente imprescindible a colaboración dos veciños, polo que deberán evitarse aglomeracións e cumprir estritamente as ordes ou recomendacións das autoridades competentes, co obxecto de frear o contaxio do coronavirus. RECORDAMOS QUE TAMÉN SE PODEN SEGUIR A INFORMACIÓN MUNICIPAL DENDE A APLICACIÓN PARA MÓVILES. Instalando a app "Irixoa" dende GooglePlay ou "bandomovil" dende App Store.

Bando

12/03/2020 11:49:00

Taller de Autocoidado Femino e Autoestima

O Venres 27 de Marzo celebraremos un Taller de Autocoidado Feminino e Autoestima. Destinado a todas as mulleres interesadas e maiores de idade. Entrada de balde previa inscrición no Departamento de Servizos Sociais ou no teléfono: 981 793 001. Horario de 10.30 a 12 horas na Biblioteca Municipal de Irixoa. COA PUBLICACIÓN DO BANDO MUNICIPAL DO 13 DE MARZO, QUEDA APRAZADA ESTA ACTIVIDADE.

Taller de Autocoidado Feminino e Autoestima

08/03/2020 13:24:00

1. Aprobación da acta anterior do 13-12-2019

2. Sorteo composición mesas eleccións autonómicas do 05-04-2020

3. Elección do Xuíz de Paz titular 2020

4. Recoñecemento do carácter privado da parcela R.C. 15040C501090210000BA (camiño en Feal): José Antonio Faraldo Castro

5. Coñecemento de resolución da alcaldía do 27-07-2020 de aprobación da liquidación do orzamento 2019: modificación do Plan Económico Financieiro

6. Coñecemento de resolucións da alcaldía de meses anteriores

7. Expediente de expropiación terreos para execución proxecto Ensanche e mellora camiño público Arufe – Churío: relación de bens definitiva

04/03/2020 10:17:00

Celebración Día da Muller

Este Luns 9 de Marzo conmemoraremos o día da Muller nunha das nosas actividades predominantemente femininas: Facendo Memoria. A través dun exercicio conxunto de memoria recordaremos a todas aquelas mulleres que son ou foron importantes na nosa vida. Convidamos a toda a xente interesada a unirse acompañarmos neste día para o recordo e a celebración. Biblioteca municipal de Irixoa. Luns 9 de marzo, 10.00 horas

cartel celebración Día da Muller

17/02/2020 12:50:00

O luns 24 celebraremos o Entroido 2020 en Irixoa. A partir das 18:00 horas haberá no polideportivo municipal un festival infantil con inchables, animación e un concurso de disfraces para categoría infantil (ata 14 anos) cos seguintes premios: 1º 90 €, 2º 70 € e 3º 50 €. A partir das 23:00 horas no campo da festa de Irixoa XII Festa da Xuventude amenizada pola orquestra Huracán e concurso de disfraces cos seguintes premios: Indivudual e parellas, 1º premio 110 €, 2ª premio 90 €, 3º premio 70 €, e grupos de 3 ou máis persoas. 1º premio 210 €, 2º premio 190 €, 3º premio 170 €.

Bases concurso Entroido

07/02/2020 12:53:00

No Boletín Oficial da Provincia do 07/02/2020 publícanse as bases da convocatoria pública de subvencións municipais a familias e entidades sen fin de lucro 2020 do Concello de Irixoa. Poderán optar a estas subvencións as familias e as entidades ou asociacións xurídicamente constituídas e inscritas no rexistro municipal de entidades veciñais do concello, e os comités organizadores. PRAZO DE SOLICITUDE: desde o 11 de febreiro ao 10 de marzo de 2020.

Anuncio BOP

Solicitude

06/02/2020 11:38:00

Clube de Lectura

Prazas vacantes no Clube de Lectura de Irixoa. Descubre o pracer da lectura en grupo. Máis información e inscricións no 981 793 001

Clube de Lectura

06/02/2020 11:21:00

Elixe Galicia

Programa da Xunta de impulso ao turismo interno. Os interesados teñen un prazo dun mes (ata o 3 de marzo) para presentar a súa solicitude. Máis información: Departamento de Servizos Sociais Concello de Irixoa (Tlf.: 981 793 001)

06/02/2020 11:16:00

Taller Aprendendo en Igualdade

Dentro do Programa de Conciliación do Concello de Irixoa terá lugar un Taller para nenos e nenas do Concello destinado a Educar en Igualdade a través de múltiples actividades de ocio. Luns 24 de febreiro, de 10 a 12 horas. Máis información e inscricións no Concello de Irixoa ou no teléfono: 981 793 001.

Taller Aprendendo en Igualdade

29/01/2020 9:57:00

II Taller "Uso da medicación e Primeiros Auxilios"

II Obradorio de "Uso da medicación e Primeiros Auxilios" Tras a boa acollida do I Obradoiro de "Uso de medicación e Primeiros Auxilios" celebrado no mes de Novembro, ten lugar unha nova convocatoria o día 10 de Febreiro, horario de 16.30 - 19.30, con contidos máis centrados na infancia. Máis información e inscricións nos Servicios Sociais do Concello de Irixoa ou chamando ó teléfono 981 793 001. Taller impartido por persoal do 061.

Cartel Ii Taller Primeiros Auxilios