18/03/2021 13:47:00

Nesta nova entrega achegámosvos varios documentos:

- Un listado de entidades grupos e persoas que teñen nas redes sociais unha voz sobre a igualdade.

- Un percorrido polo mundo do celuloide con suxestións das películas máis significativas que falan de mulleres que sufriron a desigualdade e qué fixeron para traspasala. De seguro hai máis e estaríamos encantadas de recibir as vosas propostas de pelis que falen de mulleres que loitaron pola sua visibilidade.

- O decálogo da igualdade e,

- Unha análise breve e significativa da situación en cifras da desigualdade na que vivimos.

Esperamos que estos novos documentos vos axuden e vos inspiren

Igualdade nas redes

Igualdade no cine

(Des)igualdade en cifras

Decálogo

05/03/2021 14:10:00

Desde o concello de Irixoa, un ano máis queremos conmemorar esta data significativa do 8 de marzo, Día Internacional da Muller, en prol da igualdade e polo recoñecemento do traballo cotiá que realizan as mulleres do mundo e máis concretamente, as que viven no noso eido rural do que formamos parte.

Convocamos o I concurso sobre a igualdade de xénero entre o alumnado do CPI “Virxe da Cela”, e do que mostraremos os traballos realizados polos/as alumnos/as.

Debido á continuidade da situación sanitaria polo covid-19 que seguimos a vivir, o concello e o departamento de Servizos Sociais de Irixoa, decidimos facer a campaña divulgativa e informativa desta conmemoración a través da nosa páxina web. E ao longo de todo o mes de marzo.

Así mesmo editaremos unas bolsas que reflictan o noso sentir:

“Traballemos pola igualdade: 100% igualdade=0% violencia de xénero

Tamén queremos manifestar que nos adherimos ás campañas realizadas pola FEGAMP e pola Deputación da Coruña, que volcaremos na nosa web.

Un saudo a toda a veciñanza.

O Alcalde

Antonio Deibe Sanmartin

Un pouco de historia

05/03/2021 13:13:00

CAMPAÑA DA DEPUTACIÓN DA CORUÑA PARA CONMEMORACIÓN 8 DE MARZO OitoM, Día das Mulleres. Moito por cambiar, por mover, por concienciar, por educar, por entender, por compartir, por crear, por gozar, por vivir_ Este 8M, Día das Mulleres, a Área de Igualdade da Deputación da Coruña promove unha serie de espazos en liña que nos convidan a atoparnos. Atoparnos para deternos e falar das dificultades que temos experimentado nestes tempos tan complexos e incertos marcados pola presenza da COVID-19; atoparnos para imaxinar colectivamente as respostas aos retos que atoparemos nos próximos meses e anos. A pandemia, tanto o propio virus como as diferentes medidas tomadas polas administracións para a súa contención, está a afectar as nosas vidas de tal xeito que aínda non temos información suficiente para imaxinar as súas consecuencias a medio e longo prazo. Mais, no medio do baile de cifras e o ruído dos medios de comunicación, temos moita necesidade de integrar e compartir experiencias, analizando e poñendo consciencia sobre como esta realidade impacta de maneira diferencial nas vidas das mulleres. Así, ao longo dun foro e tres conversas facilitadas en liña, reflexionaremos sobre os retos relacionados coa posición das mulleres na mercado laboral, co seu rol de principais responsables dos coidados e da sustentabilidade das vidas e sobre as interseccións da COVID-19 coas violencias machistas e os seus efectos específicos nos corpos e na saúde das mulleres. Tras a súa celebración en liña, estas conversas pasarán a formar parte dos recursos dispoñibles en aberto para a cidadanía dende a canle de Youtube da Deputación da Coruña. Dirixida a profesionais do ámbito da igualdade nun sentido amplo (administración pública a todos os niveis; saúde; coidados; educación; terceiro sector; etc.) esta programación ten ademais por obxectivo fomentar o traballo en rede no ámbito local e provincial, esbozando colaborativamente as liñas estratéxicas do futuro dunhas políticas post-COVID que deberán integrar necesariamente a perspectiva de xénero. A participación nos diferentes espazos é aberta e gratuíta, mais precisa de inscrición previa a través do seguinte formulario i.gal/oitoM Todo este proceso, xunto coas súas principais conclusións, será documentado xerando unha pequena publicación dixital que funcionará como inspiración, devolución e documento base para o traballo posterior. Por último, e no contexto deste mes de marzo tamén queremos apoiar á mocidade no seu papel como axente de cambio, facilitándolle a mozas e mozos ferramentas e referentes para xerar discursos alternativos dende os que fomentar a igualdade e actuar ante o machismo e a LGBTIfobia. Farémolo a través do deseño e difusión dun material didáctico que incorporará entrevistas en vídeo a mulleres referentes no cruce das TICs cos feminismos, animando á mocidade a xerar contido orixinal co que amplificar a conversa nas súas redes. Enlace: https://www.dacoruna.gal/.../pro.../conmemoracion-8-marzo...

24/02/2021 14:46:00

DÍA DE ROSALÍA Hoxe 24 de febreiro celebramos o día de Rosalía, commemorase o nacemento da autora. Numerosas institucións únense a esta commemoración. Nos seguines enlaces podes ver algunhas actividades, na fundación Rosalía fundación https://rosalia.gal/ realizan actividades en liña: Caldo de Gloria, Alborada para Rosalía., na cale de youtube https://youtu.be/HmB3xyS1O1Y podes ver un vídeo. Le a Rosalía, lémbraa e cóntao nas redes sociais co hashtag #DíadeRosalía.

29/01/2021 14:01:00

Cita previa para atención presencial

Ante os aumentos dos casos de COVID-19 e as restinciónS da Xunta de Galicia para realizar calquera trámite no Concello haberá que pedir cita previa. Tel. 981 703 001 ou na sede electrónica do Concello de Irixoa https://sede.irixoa.es/opencms/gl/cita/index.html

22/01/2021 13:50:00

MONBUS, xestora da concesión de transporte XG871 (Norte da comarca de Betanzos, sur da de Ferrol e oeste da de Eume) informa das rutas de transporte e horarios que pasan polo concello de Irixoa.

Calquera persoa viaxeira que precise máis información, pode solicitala por teléfono (982292900), email (info@monbus.es) ou a través das redes sociais (Facebook, Twitter ou Instagram).

Rutas e horarios

15/12/2020 10:10:00

Este ano ante a pandemia que estamos a vivir non se pode realizar a Festa de Reis, por iso as súas Maxestades os Reis Magos de Oriente realizarán un recorrido polos distintos lugares do Concello de Irixoa onde residan nenos ou nenas menores de 16 anos. As súas maxestades levarán un agasallo personalizado polo que os nenos e as nenas terán que anotarse ata o día 28 de decembro no tel. 981 793 001.

15/12/2020 9:37:00

O pasado día 2 de decembro o xurado designado para a elección das postais gañadoras do III Concurso de postais de Nadal elexiu a postal de Martina Espiñeira Bretón na categoría de 3 a 7 anos e a Mila Pérez López na categoría de 8 a 12. Noraboa as dúas premiadas e agradecementos a todos os nenos e a todas as nenas participantes.

Acta deliveración do xurado

25/11/2020 13:57:00

Debido á evolución moi negativa da pandemia do coronavirus no concello, recórdase a prohibición dos sospeitosos por síntomas, e contactos directos con positivos de COVID-19 de permanecer en lugares públicos, sendo obriga destas persoas quedar confinados nas súas casas.

Apelamos á responsabilidade individual de cada persoa, que redundará no ben de toda a comunidade.

Incumprir esta obriga dará lugar á oportuna denuncia e sanción polo concello ou autoridade competente.

Igualmente informamos que calquera veciño/a de Irixoa confinado que o necesite, cando precise axuda (alimentos, mediciñas, …) deberá chamar ao concello para solucionar a súa demanda.

Bando Alcaldía

25/11/2020 11:25:00

Hoxe, 25 de novembro conmemorase un ano máis o día contra a violencia de xénero.

Dende o Concello de Irixoa expoñemos o noso rexeitamento ás actitudes que provocan morte e sufrimento ás mulleres.

Estaba prevista a lectura pública dun manifesto, que dadas as circunstancias actuais que estamos a vivir estes días no Concello en relación ao covid-19 vemos prudente suspender a dita lectura.

Este manifesto queda colgado nesta páxina web. Esperamos a vosa solidaridade.

Moitas grazas.

Manifesto 25N