Novas

DÍA DA BICI

A marcha en bicicleta realizarase o día 13 de outubro, a ruta é circular, partiremos do Concello ás 16:00 horas e chegaremos ás 18:00 horas aprox. A actividade é apta para todas as idades, os/as menores de 8 anos irán acompañados/as por unha persoa adulta. A final da ruta faremos o sorteo dunha bici, para paticipar no sorteo é necesario realizar a marcha. Máis información tel. 981 793 001. Inscricións ata o día 5 de outubro nas oficinas municipais.

Cartel bici

Ruta

Inscrición adultos

Inscrición menores

 
ACTIVIDADES MUNICIPAIS CURSO 2018-2019

Está aberto o prazo para inscribirse nas actividades que o Concello de Irixoa oferta para o curso 2018-2019. Nas actividades deportivas e extraescolares o prazo estará aberto ata o día 28 de setembro, e comezarán o día 1 de outubro. Para outras actividade como "Facendo memoria" ou "Campionato de Tute" que oferta o departamento de Servizos sociais consultar no tríptico. Para a inscrición haberá que entregar unha solicitude, da que se xunta un modelo, no rexistro xeral. Máis información na Casa do Concello ou no tel. 981 793 001.

Tríptico actividades municipais

Folla de Inscrición cursos adultos

Folla de Inscrición cursos menores

 
CAMBIO DE DATA DA ACTIVIDADE DE RAFTING

A actividade de Rafting que estaba posta para o domingo día 8 de Xullo cambia para o domingo día 15 de Xullo, no mesmo horario. Saida as 13:30h diante do concello e regreso as 21:30h

 
INFORMACIÓN LUMEIRADAS DE SAN XOÁN

Infórmase ás persoas que presentaron no Concello a declaración responsable para realizar a lumeirada de San Xoan, que o índice de risco de incendio forestal (IRDI) publicado na web da Consellería de Medio Rural actualizado o 22 de xuño é de ALTO. Isto significa que, salvo indicación en contrario do Concello ou do Servizo Provincial de Prevención e Defensa contra Incendios Forestais, NON HAI IMPEDIMENTO para que se poida realizar a lumeirada sempre que se garden as medidas preventivas indicadas no reverso da propia declaración e o índice de risco non varíe a EXTREMO. Sitio web para consultar o IRDI actualizado

 
PISCINA

Dentro das actividades de verán que organiza o Concello de Irixoa este ano teremos cursos de natación tanto para nen@s como para maiores na piscina municipal de Monfero. Serán tres cursos; Iniciación, Perfeccionamento e Actividades acuáticas para maiores. Haberá transporte público e gratuito ata a piscina.

Cartel Informativo

Folla de Inscrición cursos

 
O Concello de Irixoa colabora na difusión do proxecto “Empoderamento da muller con cancro de mama”

O Servizo de Oncoloxía Médica do CHUAC, en colaboración coa Deputación da Coruña, ten como un dos seus obxectivos preferentes acercar ao paciente oncolóxico a filosofía da sanidade participativa e os seus beneficios. O concello de Irixoa está integrado na área de acción do proxecto ´Empoderamento da muller con cancro de mama´ do Servizo Galego de Saúde, que ten como obxectivos principais: Desenvolver ferramentas que faciliten a autoxestio´n da sau´de por parte das doentes diagnosticadas de cancro de mama. Presentar ferramentas que faciliten unha sau´de de calidade e prevencio´n das secuelas da enfermidade e os seus tratamentos. Participacio´n da doente con cancro na poli´tica sanitaria, para unha abordaxe sustentable do tratamento do cancro garantindo a calidade asistencial. Propon~er iniciativas conxuntas para mellorar o acceso da cidadani´a ao sistema pu´blico de sau´de. O 24 de maio de 2018 terá lugar no Pazo de Mariñán a partir das 15:45 unha xornada de divulgación dirixida a aquelas mulleres diagnosticadas de cancro de mama, que se centrará nas patoloxías, nos hábitos de saúde e cambios de conduta, así como na ampliación do horizonte persoal. A esta reunión están convidadas a acudir as mulleres diagnosticadas de cancro de mama longo sobreviventes e as asociación e membros das asociación de doentes, nos que varios especialistas abordarán entre outros aspectos, os psicolóxicos, a sexualidade, a fertilidade e o embarazo, o impacto social, a fisioterapia e coidados de pel.

Programa Xornada

 
NOVA APP DE INFORMACION MUNICIPAL

O Concello de Irixoa pon a disposición da veciñanza un novo servizo municipal: “Irixoa Informa”. A partir de agora todos os bandos, anuncios, noticias e información municipal do Concello poderá ser recibida de forma inmediata a través do seu móbil. O servizo está disponible para os sistemas operativos Android e iOs. As persoas que non dispoñan de terminais compatibles, como os que usen Blackberry ou Windows Phone, poden consultar toda a información municipal que o concello publique dende a páxina web adaptada para dispositivos móbiles www.bandomovil.com/irixoa .

Ver detalles de instalación

 
Campaña de esquí da Deputación da Coruña

Campaña da Deputación da Coruña na que os nenos e nenas nados nos anos 2003,2004,2005,2006 e 2007 poderán gozar de catro días, do 23/02 ao 26/02 de 2018 de actividades de neve na estación invernal de Cabeza de Manzaneda. O Concello de Irixoa ten adxudicadas 3 prazas, os nenos e nenas interesados poderán anotarse ata o día 16 de xaneiro no concello ou no tel. 981 793 001.

Cartel Deputación

Cartel esqui

Triptico e folla inscrición

 
RESTRICCIONS DE CONSUMO NO ABASTECEMENTO DE AUGA MUNICIPAL

A ausencia de choiva está afectando negativamente tanto ao caudal dos mananciais como ás reservas de auga dos depósitos do abastecemento municipal. Para poder garantir a continuidade do subministro, o concello vai empezar o 30 de novembro de 2017 a facer cortes programados do subministro entre as 11 da mañá e as 6 da tarde. Desde a alcaldía, requírese á veciñanza para que faga un uso racional e responsable da auga da rede de abastecemento.

 
CAMPAÑA DE VERÁN 2017 DA XUNTA DE GALICIA

Campaña de verán 2017

A Consellería de Política Social ofrece a posibilidade de que a xuventude galega empregue o seu tempo libre estival participando en actividades de educación non formal moi diversas: de carácter cultural, ambiental, deportivo, de tempo libre, de voluntariado... que sirvan non só para divertirse, senón tamén para o seu enriquecemento persoal e vital. A Dirección Xeral de Xuventude, Participación e Voluntariado pretende facer realidade este obxectivo a través da Campaña de verán 2017. Así mesmo, en aplicación do principio de transversalidade das políticas en materia de discapacidade e co obxectivo de que a inclusión social sexa unha realidade ao tempo que se favorece a interacción e a convivencia entre toda a mocidade, na presente Campaña de verán, as mozas e mozos galegos con discapacidade, en función das limitacións que presenten, poderán decidir sobre a modalidade de participación á que desexan optar: polo procedemento xeral ou polo procedemento das prazas reservadas de inclusión. A Campaña de verán está composta por diferentes áreas de participación, que se desenvolven nos meses de xullo e agosto, tanto en Galicia coma noutras comunidades autónomas e no estranxeiro. Prazo de presentación de solicitudes: 18/04/2017 - 02/05/2017

Descarga a informacion sobre os campamentos

 
Página  1   2   
Sede electrónica

 

As nosas sedes

 

Perfil Facebook