|
PLAN XERAL DE ORDENACIÓN MUNICIPAL (PXOM)
No pleno municipal do 25/11/2011 foi aprobado de forma provisional - final o PXOM.
A documentación foi remitida á Consellería de Medio Ambiente, Territorio e Infraestructuras para a súa aprobación definitiva.
Co obxecto de dar difusión á proposta do novo planeamento, pódese consultar nesta web os planos de clasificación e ordenación do solo, así como os de delimitación de núcleos rurais.
NOVAS
REDE DE REXISTRO DE DEMANDANTES DE BANDA LARGA
Neste sitio web poden consultarse as previsións de cobertura dos distintos núcleos de poboación de Galicia para o periodo 2010-2013.
En caso de non dispoñer do acceso, na propia web pódese rexistrar a demanda do servizo de banda larga.
OFERTAS DE TRABALLO
CONVOCATORIA DE SUBVENCIÓNS
Máis información sobre ofertas de emprego, no departamento de Orientación Laboral , onde se actualizarán periódicamente para axudarche na túa busca de emprego ou mellora laboral.
REMATADA A OBRA DE MELLORA E ACONDICIONAMENTO DO LOCAL SOCIAL DA VIÑA
A dita obra fora adxudicada á empresa Antonio Barallobre Ulloa S.L. polo importe de 9.348,09 euros.
Na financiación do proxecto participou a Deputación Provincial da Coruña
ABERTO O PRAZO DE SOLICITUDE PARA A CONEXIÓN AO SERVIZO DE ABASTECEMENTO DE AUGA POTABLE NAS PARROQUIAS DE CHURÍO E CORUXOU.
Feitas e rematadas satisfactoriamente as probas finais do abastecemento de Churío e Coruxou, ábrese o prazo para as solicitudes de conexión a partir do 12 de xullo de 2011.
Con data 12/02/2004 publicouse no Boletín Oficial da Provincia a Ordenanza do servizo municipal de abastecemento de augas (modificada no B.O.P. de 11/03/2008).
O Concello anima aos veciños e propietarios de vivendas da zona de implantación do servizo para que se interesen polas condicións económicas e técnicas deste servizo básico.
Os posibles usuarios interesados deberán realizar unha solicitude de conexión ao servizo municipal mediante a instancia oficial que existe neste concello.
ACTIVIDADES DE VERÁN 2011
Ao igual que outros anos, o Concello de Irixoa organiza actividades durante o verán dirixidas a diversos grupos de idades: Camiño de Santiago a Fisterra, roteiros polo Monte do Raño, Casal do Mouro e Monte de San Antón, campeonato de fútbol, campamento urbán, praia de Perbes, Aquapark, parque multiaventura, montar a cabalo, espeleoloxía, paintball, rafting e actividades de títeres, malabares, maxia e contacontos.
Preme aquí para ver ou descargar o tríptico informativo en pdf.
ASOCIACIÓN DE DESENVOLVEMENTO RURAL MARIÑAS - BETANZOS: Aberto ata o 1 de setembro de 2013 o prazo para a presentación de solicitudes de axudas do Programa LEADER.
Máis información en :
ABERTO O PRAZO DE SOLICITUDE PARA A CONEXIÓN AO SERVIZO DE ABASTECEMENTO DE AUGA POTABLE NAS PARROQUIAS DE AMBROA E A VIÑA.
Feitas e rematadas satisfactoriamente as probas finais do abastecemento de Ambroa e A Viña, ábrese o prazo para as solicitudes de conexión a partir do 22 de Febreiro de 2011.
Con data 12/02/2004 publicouse no Boletín Oficial da Provincia a Ordenanza do servizo municipal de abastecemento de augas (modificada no B.O.P. de 11/03/2008).
O Concello anima aos veciños e propietarios de vivendas da zona de implantación do servizo (1ª fase) para que se interesen polas condicións económicas e técnicas deste servizo básico. Os posibles usuarios interesados deberán realizar unha solicitude de conexión ao servizo municipal mediante a instancia oficial que existe neste concello.
O servizo de abastecemento tén unha 2ª fase de implantación, de próxima contratación e execución, polo que os posibles usuarios afectados deberán esperar a que se rematen as obras de ampliación e se convoque un novo procedemento de enganches.
NOVO OBRADOIRO DE EMPREGO EN IRIXOA: MELLORA DE CENTROS DE INICIATIVA RURAL.
A Concellería de Traballo e Benestar, concedeu ó Concello de Irixoa, un obradoiro de Emprego que permitirá formar e dar emprego durante un ano a desempregados/as do municipio.
O Obradoiro consistirá nun programa mixto de formación e emprego, para mellorar a ocupabilidade das persoas desempregadas, maiores de 25 anos coa finalidade da súa posterior integración no mercado de traballo.
Así, 18 alumnos/as maiores de 25 anos, e inscritos na oficina de emprego como demandantes de emprego, poderán formarse e traballar nas especialidades de Albanelería e Cachotaría.
O obradoiro comezará a mediados de Decembro e farase mediante a realización das obras de recuperación de dous inmobles e a súa área colindante, cunha intervención que permita a recuperación dos inmobles para o uso público, como lugar formativo e de iniciativas de desenvolvemento rural.
SERVIZO DE ORIENTACIÓN LABORAL
Dende o mes de setembro de 2010 o Concello conta cun propio departamento de orientación laboral cos seguintes obxectivos:
- Orientar e informar a demandantes de emprego sobre o seu perfil profesional.
- Asesorar sobre os cursos de Formación Ocupacional
- Recursos persoais e competencias do demandante para mellorar a súa integración no mundo laboral.
- Motivar a súa implicación no proceso.
- Entrevista para coñecer o perfil profesional - ocupacional.
- Asesoramento para a elaboración e adecuación do C.V.
- Entrenamento nas técnicas de búsqueda activa de emprego.
- Itinerarios Formación - Emprego para cada demandante.
- Desenvolver a cultura emprendedora.
- Seguimento
INICIO DA TEMPORADA 2010 - 2011 DAS ESCOLAS DEPORTIVAS MUNICIPAIS
| 